Udaan bharne do..

udaan bharne do...
chu k aane do asmaan k kono ko,
in pankhon ko apni takat ki pehchan karne do.
ab naa roko, hawaon se ladne do.
udaan bharne do...

lene do hissa chitij tak ki daud mein,
thoda haarne do, jitne ki hod mein.
ab kab tak khilaoge apne munh k niwaale mujhe
zara apne zor pe dum bharne do
girne do, khud hi sambhalne do;
udaan bharne do...

bethasha udne do hosh khokar,
dekhne do udte panchiyon k kafile mein shamil hokar;
bheed mein khokar khud ki khoj karne do.
ghonslon k ghutan mein ab jee nhi lagta,
ki ab asmaan ko hi mera aashiyana banne do.
udaan bharne do...

panchiyon ko aati nhi koi bandish nazar
udd chalte h befikr ji chahe jidhar...
ab naa baandho bediya..
mujhe waqt k pinjre mein naa bandhne do..
khwaab hakikat karne do...
udaan bharne do..

:)